Skúladætur

Já nú er aldeilis glatt á hjalla heima í Århus enda yfir helmingur fjölskyldunnar saman komin. Við keyrðum til Holstebro í dag og náðum í Rebbu litlu og fyrst ég var nú í Holstebro þá var nú ekki hjá því komist að skella í sig einni mexíkanskri.. Alltaf jafn góð og starfsmennirnir farnir að sakna mín.. Við drifum okkur svo tilbaka til Århus til að ná í nýja bílinn sem er bara flottur.. Nú er ég komin á alvöru drottningarskott. Við fórum svo í mat í Hedensted og fékk Viktor að keyra á meðan við horfðum á Robbie Willams tónleika í nýja DVD spilaranum í bílnum, auðvitað bara snilld.. Drífa hitti okkur svo í Hedensted en hún þurfti að keyra í tæpa 6 tíma og þar sem að hún er bara með frelsisnúmer í Þýskalandi virkaði síminn hennar ekki þegar hún var komin til Danmerkur. Hún kom sér þó fljótlega í síma og reyndi oft án árangurs að hringja í heimanúmerið mitt, ég auðvitað búin að bíða endalaust eftir að hún myndi hringja í gemsann.. Þetta endaði svo með því að Dagný hringdi í mig og sagði mér að ég ætti að hringja í einhvern danskan karl (nýjan vin Drífu). Ég hringdi og fann systu en þá var greyið búin að vera í Hedensted (10 þús. manna bæ) í 1 og hálfan tíma blótandi mér fyrir að svara ekki í símann.. En hún er allavega mætt á svæði, mjög hress og á ekki að mæta á æfingu fyrr en á þriðjudagsmorgun þannig að hún leggur ekki af stað heim fyrr en á mánudag..
Get ekki skrifað meira, alveg soðin í hausnum af þreytu..
Bæ í bili
Hrabba