Skúladætur

Já maður bregður sér frá í 12 daga og þegar ég kem tilbaka þá er karlinn búinn að taka upp á því að hafa hafragraut á morgnana - alltaf.. Rosa duglegur hjá mér, eldar á kvöldin og svo er bara hitaður upp grauturinn á morgnana en hann vaknar alltaf svo langt á undan okkur.. Hann er að standa sig vel strákurinn en þið getið rétt ímyndað ykkur hvað Hrebsin þarf að bæta við miklum sykri í grautinn áður en hún borðar hann... Held svei mér þá að minn grautur sé bara alls ekki hollur...

Annars er fjölskyldan öll að hressast.. Ég fer með Viktoríu með mér í vinnuna á eftir.. Tek bara með mér fartölvuna svo hún geti horft á eitthvað skemmtilegt.. Gott að komast aðeins út úr húsi.. Við mæðgur erum búnar að liggja eins og skötur í tvo daga..

Svo er það helgin en það stefnir allt í mini-þjóðhátíð.. Julefrokost á föstudaginn með stelpunum í liðinu og svo aftur julefrokost á laugardaginn með vinnunni.. Það eru auðvitað gerðar kröfur á að maður sleppi sér í eitthvað aðeins sterkara en vatnið.. Ég er ekki að sjá það gerast hjá mér tvo daga í röð.. En Hrebsin getur nú komið á óvart.. Tókst nú að verða full á einum bjór á sunnudaginn, já takk einn bjór.. En það var líka eftir 5 leiki á 6 dögum og sú gamla alveg búin á því..

Handboltinn er ekki alveg að gera sig hérna í Århus, liðið er barasta að hrynja niður.. Vorum að spila æfingaleik í gær og það vantaði bara endalaust í liðið.. Svo endaði ég leikinn á að fá hné í læri, alltaf jafn þægilegt.. Bara pirrandi..

Jæja nóg af bullinu, verð bara að skrifa eitthvað á meðan hinar Skúladæturnar eru svona latar...

Hilsen
Hrabba