Skúladætur

Steini.is sagði mér þessa sögu um daginn. Það byrjar með því að nokkrir félagarnir eru bara að bara að keyra á hraðbrautinni þegar löggann fer skyndilega að elta þá. Sá sem er að keyra virðist allt í einu stressaður “ég get ekki stoppað, ég sting þá bara af”. Vinunum líst nú ekkert á þetta og þá sérstaklega einn, sem verður logandi hræddur, en á endanum lætur bílstjórinn eftir og stoppar. Lögreglan kemur og biður mennina vinsamlegast um að koma út úr bílnum og byrjar svo að leita í bílnum. Eftir smá leit í bílnum finna þeir poka sem á að innihalda eiturlyf og ekki var það til þess að hjálpa greyið manninum sem var mest hræddur þegar það átti að fara að handtaka hann fyrir þetta. Það létti víst mikið á greyinu þegar fleiri vinir þeirra koma keyrandi og karl greyið fékk að vita að það var verið að steggja hann, gaurarnir þekktu þá löggu sem var á vakt og voru búnir að plana þetta. Það sem meira er að einn þeirra sem var að steggja vinnur við að selja eða leigja svona búnað sem notaður er við faldar myndavélar, svona litlar vélar og míkrófónar sem ekki sjást. Þeir komu svoleiðis fyrir í bílinn sem þeir voru á og svo var einhver með svona á sér til þess að það sæist líka það sem gerðist utan við bílinn. Þannig að allt þetta sem gerðist þarna var svo sýnt í brúðkaupinu. En þetta var bara byrjunin. Næst var farið í stúdíó og hljóðritað eitthvað lag, tilvonandi konan söng svo sama lag og það var svo klippt saman fyrir brúðkaupið. En til þess að geta sýnt þetta í brúðkaupinu þurfti að gera video. Vinirnir settu hann í einhverja munderingu og settu á hann yfirvaraskegg. Svoleiðis var hann svo í nokkra tíma og allan tíman gekk vélin til þess að gera videoið. Steggurinn kunni vel við sig á sviði tónlistarhetjunnar og þá sérstaklega var hann stoltur af mottunni góðu sem hann hafði fengið og var hann alltaf að skoða sig og laga skeggið til svo þetta liti vel út. Í lok dagsins var svo farið með hann á hótel, þar sem hægt er að fara í pottana og slappa vel af . Áður en þeir fóru í pottana þurfti steggurinn að fara úr búningnum sem hann var í. Steggurinn var svo ánægður með skeggið að hann ætlaði varla að tíma að taka það af sér. Eftir að vinir mannsins (ef vini má kalla haha) höfðu sagt honum úr hverju skeggið var búið til breyttist ást hans á skegginu skyndilega í ógleði, hann mátti í alvörunni hafa sig allan við til þess að æla ekki út um allt þarna í búningsherberginu. Já, strákarnir höfðu tekið sig til og rakað sig að neðan límt á eitthvað svona lím sem límist báðum megin og sagt “þú átt að hafa þessa mottu í videoinu. Mjög huggulegt að vera með skapahár félaganna millimetra frá bæði nefi og munni. Sjáið þið ekki fyrir ykkur þegar hann hefur verið að drekka bjór og froðan hefur setið í skegginu, hvað gerir maður þá? Jú sleikir útum.
Ég sé bara fyrir mér félagana með UHU límið og punghárin að föndra saman, hugguleg kvöldstund þar.
Davíð vinur minn er að fara að gifta sig, en hann er mikil Queen aðdáandi. Ég skor á vini hans að spara raksturinn, því það þarf svo mikið af hárum í Freddy mottuna.
Kveðja
Viktor Hólm