Skúladætur

Og það sko alvöru.. Hver vill ekki eiga íslandsmetið í að missa af flugvélum? Ég ég ég ég.. Missti af fluginu til Þýskalands áðan og er þetta annað flugið sem ég missi af á innan við 4 mánuðum.. Ekki slæmur árangur það eða hvað? Veit ekki hvað er að gerast með mig, held að tæknivæðingin sé alveg að fara með mig.. Nú þarf maður ekki að muna neitt lengur eins og t.d símanúmer (ég kunni sko öll símanúmer og meira að segja bílnúmer líka).. Nú get ég ekki einu sinni munað hvenær ég á að mæta í flug.. Það væri kannski ágætis hugmynd að kíkja á flugmiðann svona eins og deginum áður.. Kannski að ég geri það bara næst.. Allavega íhuga það.. Við mæðgur munum sem sagt fljúga fyrir hádegið á morgun.. Greyið Dísin litla sem var búin að gera sig svo rosalega fína fyrir litla frænda.. Fór í extra langt bað með extra hárþvotti.. Fékk þessa líka rosa greiðslu og fór í nýja pæjujakkan sinn sem hún var komin í 4 tímum fyrir brottför en þá var mín algjörlega klár.. Bara ef mamman hefði nú verið jafn tilbúin haha.. En vá hvað ég er pirruð á sjálfri mér núna..

En svona til að reyna að gera eitthvað gott úr þessu þá náði ég að sjá báða undanúrslitaleikina í kvennaboltanum og hörkuleikir báðir.. Og svo fæ ég að kúra hjá honum Vikka mínum eina auka nótt en ég á nú eftir að vera svo mikið í burtu frá honum næstu 2 mánuði..

Best að fara að lúlla svo ég missi ekki af vélinni á morgun.. Þarf að vakna 7.30 þannig að öllum er velkomið að hringja þá (5.30 á íslenskum), það er ekki eins og þið hafið eitthvað betra að gera þá..

Hrabba